اشعار

اشعاری از محمد شاعری اولین مومن به امر از خاندان شاعری

کپی شده از کتاب تاریخ سیسان به تالیف جناب افشان محبتی

اشعار سیسان خاطیره لری سروده آقای طهمورث علیزاده

سیسان خاطیره لری (1)

گجه گونوز من سنی فکر و خیالمدا یاد ایله میشم
گچن گونرین تصویرین ،گو‌ُزمون قاباغندا تکرار ایله میشم
ای آلله ا‌ولار بیر گون ،گدم چیخام فاطمه ننه داغنا
چاغیرام ای گوُزل سیسانم،آدووی،قلبیمده حک و تکرار ایله میشم
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
سیسانن هر بیر یانندا،بولاغلار،سولار آخردی
قاری قوجان ،گونش ده اتوروب، یای کوشنه باخردی
بیچون اوستی هر طرفدن بیلدیرچینر اوچاردی
کول دیبنن دوشانلار،هول کوب قاچاردی
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
یاد اولسون سلمان عمی چلیک الینه الیب اوخوردی
بیر زمانلار آدم لارن،فالینا باخیب ،سوز توخوردی
هرکس فالن اشیدیب، قاقلدیب گول ردی
غم غصه چوخ آزدی،اورکلر بتون سازدی
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
قونشی ایمانقلی ،یایدا قارپزلاری،توکاندا دوزردی
مامام ارشته پیشریب،اونی سوزگشدن سوزردی
سطان خانم خالا،باغلاردی باشینا شلمه
آقا قلی عمی ،بزشلوار تیکیب ایاقین بوزردی

🌹🌹🌹🌹🌹🌹🌹🌹🌹🌹🌹🌹🌹🌹🌹🌹
گدیم دال حیاته،گوردوم یملی دادلی،آلچا اریک
آغاج لارن آلتندا ،دشینیلر آق قره فریک
تولازدرما آتدم،توکولدی چوخلی شیرین اریک
هول کوپ ،قاچدلار اوردان،آق قره فریک

🌺🌺🌺🌺🌺🌺🌺🌺🌺🌺🌺🌺🌺🌺🌺🌺
حبیبالله بابام، باغچاسیندا،نه گوزل گزردی
شوربا پیشیریب ،اونون دن دوشون ازردی
ورردی بیزلره،چوخ دادلی یملی بعله
شوربانی ییب دوروب،باغچاسن ،نه قشک بزردی

🌹🌹🌹🌹🌹🌹🌹🌹🌹🌹🌹🌹🌹🌹🌹🌹بیست و ششم اکتبر ۲۰۲۱.
طهمورث

سیسانین خاطیره لری (۲)
‎زینیت خالام،قد دستمالی تیکیب اونی گوزل بزردی
‎یدالله عمی ،سحری تزدن باش دان ایاقا ،کندی گزردی
‎صورت دایی قیزیم،گویچک ناقشلی جورابلار توخوردی
‎نقد علی عم اوغلی ،بالابان چالیپ مدد کیشی اوخوردی

🌺🌺🌺🌺🌺🌺🌺🌺🌺🌺🌺🌺🌺🌺🌺🌺

‎اوشاقلار اویناردی،پالتارار اولاردی ،جریخ جریخ
‎ننه لر اینه ساپ گتیریب،سالاردیلار بیر شریخ
‎او زمان عیه ،پار پالتار بتون، یاماقدی یا جریخ
‎بو زمان،مد اولوب باشدان ایاغا،یاماق یا شریخ شریخ

🌹🌹🌹🌹🌹🌹🌹🌹🌹🌹🌹🌹🌹🌹🌹🌹

‎خوروزون اوباشدان قوقولتو سی،دییر بالام اویان
‎دنیانن ایش ایشلری،بی بویوک درس دی،باخ قان
‎اوزون یوخویا وران،هیچ زمان اویانماز
‎گلیب گدنین اعمالی،عیبرت ائینه سی دی،بیل قان

🌺🌺🌺🌺🌺🌺🌺🌺🌺🌺🌺🌺🌺🌺🌺🌺

‎بیر قوجا،اوجا،عینکی واردی،آدی ممی
‎اوغلان نارنین آدی،قربت،عینیت،فضی شعمی
‎اوولرینین اوستونده،اوتوراردی،میرزآقا،ننه سی ماتی
‎اوشاقلارا ،تاپشیرادیلار،بالا بیر زمان،یه مییسن بات باتی
🌹🌹🌹🌹🌹🌹🌹🌹🌹🌹🌹🌹🌹🌹🌹🌹

‎یاغیش یاغاندا،نوچالاردان،سو شاریلدار
‎الدریم شاخاندا،یر گوو،خاریلدار
‎گیرسوز چراغین ،نفتی قورتولاندا،پر پر پریلدار
‎سوز هر کسه خوش گلمسه،دیلینین آلتندا ،قورولدار

🌺🌺🌺🌺🌺🌺🌺🌺🌺🌺🌺🌺🌺🌺🌺🌺

‎اوجاق اوسته ،کیتری قاینیب ،داشاردی
‎بویوک چیچیک قوجا، بیر اووده یاشاردی
‎توشوموین آدمن ،دوستلوغی،بیر بویوک بلا،باشادی
‎هر کسین الینده بیر بوش کاسا، اودا ،تورشولی آشادی

🌹🌹🌹🌹🌹🌹🌹🌹🌹🌹🌹🌹🌹🌹🌹🌹

‎اصیل بی،قارپز قوهون گلبسر،اکردی
‎داداشیم مجمعینده،قارپزی دیلم دیلم کسردی
‎مشه جبار قیشدا، اوت تایاسین ،سوکوپ توکردی
‎یئل گلنده آقشلارن،یاپراغی توکولوب،اسردی

🌺🌺🌺🌺🌺🌺🌺🌺🌺🌺🌺🌺🌺🌺🌺🌺
‎طهمورث
11/4/2021

سیسان خاطیره لری(3)

فانی قیمت دی، اورکه یاتان ،سوزلر دییردی
جماعت تینن خوش دانیشیب، دیب گولردی
همشه شادیدی ،غم غصه نی ،آتاردی
محبت چراغین ،چوخ اوجوز، اورک لره ،ساتاردی
🌺🌺🌺🌺🌺🌺🌺🌺🌺🌺🌺🌺🌺

ذکرالله فانینن دییرمانی،یای با قیش،ایشلردی
ننه لر چورک یاپیپ،اوشقلار بعله توتوب دیشلردی
حسن بابا عمی ،بع زی یاغینین،بویوک،کرخاناداری
رشید،اوروف دا،بیر زمانلار ،سیسانین ،چارواداری
🌹🌹🌹🌹🌹🌹🌹🌹🌹🌹🌹🌹🌹

ممد قاسم عمی ،توکان قاپی سیندا اوتور‌ب ،هچ کس سوز آتمازدی
خلقین ایشینه دخالت ایلیب،آرالارین ، ،قاتمازدی
اعمالی دوزودی،هچ بیر جوان جاهیله سیگار ،ساتمازدی
دعا مناجات سیز،سحری دوروب گجه یاتمازدی
🌺🌺🌺🌺🌺🌺🌺🌺🌺🌺🌺🌺🌺

رسول آقا،پالچیخ توتوب دام دوواری ،سوواردی
ال ایاغین یووب ،چای ایچیب،ایاغا دوراردی
مهدیقلی سوُوشاردی، حبیب کیشی نین حالینی
عطائیه خالا، چوخ گوزل اورتردی،قیرمزی شالینی
🌹🌹🌹🌹🌹🌹🌹🌹🌹🌹🌹🌹🌹

دله آباد بولاغندا ،قیشدا آخشام باشی اوغلان آز اولاردی
قیز سوگوسون گورنده،یاناقی ،قیزارار دی ناز اولاردی
اوغلان دییردی ،بیر آز گو‌ُتسن،قیش گدر یاز اولار
الچی گوندررم،آلام سنی ،او زمان آرامیز ساز اولار
🌺🌺🌺🌺🌺🌺🌺🌺🌺🌺🌺🌺🌺

فاطمه ننه نین،گویچک خاطیره لرین،ده یم سیزلره
سیساندا گوزل یاشاردیخ، بیر زمان گلردیز بیزلره
خوش زمانی دی،اوگونلرین تصویری، گلیر گدیر گوزلره
عالم گل گدقاپوسی،یاخچیلخ پیس لیک ،توکولر قالار سوزلره
🌹🌹🌹🌹🌹🌹🌹🌹🌹🌹🌹🌹🌹

کهلیک اوتی توکلی گول ،دم نییب ایچردیلر
آق بوز یر آلمانی ،بیر بیرین نن، سچر دیلر
بیر کره لیک یر آلما آ پاریپ ،یمیش خورما ،آلاردیلار
ییب اوخویوب،اوینو یوب ،ال چالاردیلار

🌺🌺🌺🌺🌺🌺🌺🌺🌺🌺🌺🌺🌺

یول اولاردی زیغ پالچیخ،یاغاندا قار یاغیش
نصرت دایی ،گی یردی قوندارا،اوستونن چکردی قالیش
فیض الله عمی نفتی دولدوراردی بانکیا ،دییردی بالا بعت یاپیش
نفتی توکردیلر چراغا،وراردیلار کبریت ،دییردیلر آلیش
🌹🌹🌹🌹🌹🌹🌹🌹🌹🌹🌹🌹🌹

نوهور ماشینی،آخشام تبریزدن گلردی
مسافری اولانا ،بو چوخ خوش خبریدی
ماشین گدیپ ،گجه نوهورده یاتیپ قالاردی
سحر باشی، مسافیرلری میندیریب، تبریزده آپاریپ سالاردی
🌺🌺🌺🌺🌺🌺🌺🌺🌺🌺🌺🌺🌺

امی گلثوم او قاپیدان بو قاپیا گدیپ ،نوخوشا ،باش چکردی
آباس دا قاپیدا دوروب،بو گل گده باخیب چوخ پکریدی
دییردی ام گلثوم ،ایه واقت ایله سن ،بیزده بیر باش ور
فرج ده توکان قاپی سینده دوروب ،باخیب گولردی
🌹🌹🌹🌹🌹🌹🌹🌹🌹🌹🌹🌹🌹
دوازده نوامبر ۲۰۲۱

سیسان خاطیره لری (4)

میرزا بایرمعلی ،بویوک درزیدی، پالتاراری تیکیب اولاری بزردی
خط گوزل یازاردی،قلمی داواتدا ،جوهر ایچیب ،دویوب اوزردی
بنچاق،قابالا یازاردی، قلمی کاغذ اوسته ،اوینویوب سوزردی
الینده چلیک ،اوزونده خالی،سیزه سویلویوم خوشودی جمالی

🌺🌺🌺🌺🌺🌺🌺🌺🌺🌺🌺🌺🌺

مقصود عمی اتین مینیب ،چایدا چولده ،کده گزردی
ذیحری باغیندا ،بولاغیندا،قوشلار قورباغالار گولده اوزردی
چوخ لارین ،الین توتدی،ایش وردی ،ساخلادی
خیر ایشلرین ،دالینجا قاچاردی،دویونیری ایشلردن آچاردی

🌹🌹🌹🌹🌹🌹🌹🌹🌹🌹🌹🌹🌹

گوزل سیسانین ،داستانین دیم سیزلره
سیزده گلیب سیز، گددیب سیز بیز لره
من دیینی تصویر ایلیین،توکوون گوز لره
او زمان بیر سینما پرده سی آچیلر اوزلره

🌹🌹🌹🌹🌹🌹🌹🌹🌹🌹🌹🌹🌹

سیسانیم ،جان بالا دیین،قوجاقا چکن ،آنالارین هانی
گوزل گویچک،فرش توخویان،قیزلارین هانی
یای با قیش ایشلییب ،زحمت چکن آتالارین هانی
قوربانام بویووا ،گلم تویووا دیین قاری ننه لرین هانی

🌺🌺🌺🌺🌺🌺🌺🌺🌺🌺🌺🌺🌺

سیسانیم فرش لرین داردا ،توخولمامیش قالدی
اوو اشیین ،بیر عُمور ،ال ین زحمتی ،یاندی تالاندی
باغلارین آلمالاری ،توکولدی قالدی،سولدی سارالدی
بو درد و بلا نی ،کیم گدی باشوا ؟کیم سالدی؟
🌹🌹🌹🌹🌹🌹🌹🌹🌹🌹🌹🌹🌹

چولده اوجاق قوروب،کیربیت وریب ،اودونلار آلیشاردی
یر آلما چیخار دانلار یورولوب،اوتوروب بیربیرینن دانیشاردی
یکه جیقلی ،آق قیرمزی یرآلما ،بیربیرینن قاتیشاردی
ایسی چای سویوخ هوادا ،چولده ،زمیده یاپیشاردی

🌺🌺🌺🌺🌺🌺🌺🌺🌺🌺🌺🌺🌺

قیش گونلری ،سویوخ توشردی ،یل اسردی
شاخدا قلیش تکین،ال ایاقی اوزی کسردی
گجه قار یاغیب،کولک گلیب قاب پنجره نی باساردی
هرکس اووده ،شعریت باغلیب ،یاش پالتاراری اونان آساردی

🌹🌹🌹🌹🌹🌹🌹🌹🌹🌹🌹🌹🌹

اوشاق لیق زمانی ،قویون کسنده ،قووغون الیپ پولردیک
اورکلر بتون آئینه تکین تمیز ، دیب گولردیک
بیر نیمیز گلنده ،پالتارامیزن دستینه سیلردیک
سن گویچک سن،یامن ،فاطما ننیه گدیپ دییردیک

🌺🌺🌺🌺🌺🌺🌺🌺🌺🌺🌺🌺🌺

هر گلیب گدن ،بیر پنجره دن ،دنیایه بآخار
قآر یآ غیش یآغآر ،هر آخدان بیر سو آخار
هر کس اوز استعدادی جان ،بورکون باشینا تآخآر
بچاره او کی ،بیر عومور دوز اعمالین،بیر ایشتیباهنان یره یآخآر

🌹🌹🌹🌹🌹🌹🌹🌹🌹🌹🌹🌹🌹
طهمورث
بیست ودوم نوامبر ۲۰۲۱

سیسان خاطیره لری(5)
اصلی بی بیم،تندیره سرده چورک،یاپاردی
حاجی عمیم،یونجه دوغرویوب اونا سامان،قاتاردی
حیت درینده،بولاغدان سو گلیب،گوله آخاردی
نصیرده دامنان،آرمیدلاری آغاجدا سایب اولارا باخاردی

🌺🌺🌺🌺🌺🌺🌺🌺🌺🌺🌺🌺🌺

خلور چیلر قطار قطار دوزولوب چایدان گلیلر
خلوری خرمنده آچیب ،بعله آلیب ،شیرین شیرین ییلر
پاییز اولان واقت یر آلما چیخاردیب کویوله توکولر
اوشقلار پیلاسکان گوتوروب ،زمینی باشدان ایاقا سوکولر

🌺🌺🌺🌺🌺🌺🌺🌺🌺🌺🌺🌺🌺

یان بولاغین سویی،یای با قیش،آخاردی
الممد عمی،اولره گدیب،چوخ ایشلره باخاردی
اوستا جاغاباش قیرخیب، موهوبده اتیر پوتور یاخاردی
جبرئیل پینه چیدی،باشماخلاری تیکیب واکس یاخاردی

🌺🌺🌺🌺🌺🌺🌺🌺🌺🌺🌺🌺🌺

آغشام اوستی یخشیب،لوپوک گاز اوینویان گونلر
یا کی چیلینگ آغاج،اوینویوب جع جع دین گونلر
گیگا لا ها گیگا لا،بیر قوشوم وار بوخارتانا،دین گونلر
آغاج آت ایلیب،مینیب،گوووب ،سورن گونلر

🌺🌺🌺🌺🌺🌺🌺🌺🌺🌺🌺🌺🌺

گون سحری چیخاندا، آی گدر داغ دالیندا یاتار
باغلامالارین کولگه سینده،بیزکجه لر یان یانا یاتار
بیچین چیلر یورولاندا،سو ایچیب اوراقی باغلامیا تاخار
اکین آبادی ، زمی زمی ،دولانیب قوهون قارپیز ساتار

🌺🌺🌺🌺🌺🌺🌺🌺🌺🌺🌺🌺🌺

سیسانین کوشنی،بوتون قوس و قزحدی ،
رنگین کماندی
بولاغ لارینین سوئی ، جوشار آخار،جانا درمان دی
اورکلریمیز ،سیسانین باشینا گلن بلادان قاندی
گوزل گویچک سیسانیمز، تعصب اوتونا یاندی

🌺🌺🌺🌺🌺🌺🌺🌺🌺🌺🌺🌺🌺

بش گون یاشاماق اچون، نجه خلقین ، حقین ییه جکسن
بو دنیایه چوخ بعل باغلاما،سن ده بیر گون گده جکسن
خلقه حورمت ایله ،مالوا حرام قاتما،سن ده ایته جکسن
نوح جان دا،عمر ایله سن ،سن ده بیر گون اوله جکسن

🌺🌺🌺🌺🌺🌺🌺🌺🌺🌺🌺🌺🌺

یای گدر، پایئز اولار، قیش گدر، یاز ا‌لار
گجه نین، قرانیغی نین عمری آز اولار
دوز چورکین، حورمتین ساخلیان، یادا قالار
دوزییب، دوزدان سیندران، اوزون گوزدن سالار

🌺🌺🌺🌺🌺🌺🌺🌺🌺🌺🌺🌺🌺

دوست لارین،دوشمن اولدی،یولون ایتیردی
بیر عومر، دوز چورکی، آرادان بیتیردی
کیم بو دنیانی ،توتوب،کیم قالدی
یاخچی ، پیس دن ،یادلاردا بیر آد قالدی

🌺🌺🌺🌺🌺🌺🌺🌺🌺🌺🌺🌺🌺

پایئز واقتی ، کرواشانی گوتوروب ،آغشلاری دالاردیلار
اولاری،یغیب اوست اوسته توکوب ،قالاردیلار
قیشدا تندیرده، یاندریب ، آلما یاپاردیلار
اوشق لار کباب ییب، بیر زمان دا ،بیر بیرینین الینن قا‌پاردیلار

🌺🌺🌺🌺🌺🌺🌺🌺🌺🌺🌺🌺🌺
طهمورث
هفتم دسامبر ۲۰۲۱

سیسان خاطیره لری(6)

حاج اسد اولکه لری دولانیب ،قائمین ظهورونون بشارتین ورردی
اشیدن قولاخ،تمیز اورک،اقبال ایلیب ایمانین رداسین اینینه گییردی
دنیانین مال و مقامی ،چوخ عالیم لرین گوزون کور ایلدی باغلادی
جهل و تعصب الی ،اییرمی مین خلقی شهید ایلدی داغلادی

🌹🌹🌹🌹🌹🌹🌹🌹🌹🌹🌹🌹🌹

سیسانیلار باب و بهاءنین ،امرین اشیدیلر قاندیلار
الله دیین بیر گونجه ،یاتمیش یوخودان اویاندیلار
تعالیم مبارکی اوخودولار اورکلری شاد اولدی،باشلاری اوجالدی
شکر ایلدیلر پروردگارین درگاهینا ،که بویولدا قد چکدیلر قوجالدیلار

🌹🌹🌹🌹🌹🌹🌹🌹🌹🌹🌹🌹🌹

ای آلله سنین امروی ،مین ایل اوخویان عالیم لر ،قانمادیلار
ایله بیرکی ،بو مین ایل یاتمیش یوخودان،اویانمادیلار
جهل و تعصبی سالدیلار ،قاپی پنجره نی حق اوزونه ،باغلادیلار
دوردولار ،عولی اولمویان قبر اوسته، بیر عومور آغلادیلار
🌹🌹🌹🌹🌹🌹🌹🌹🌹🌹🌹🌹🌹

یاد اولسون سیسان سنین جلسه لرینن
فانی تکین سخنور، حقدن دانیشان عالیم لرینن
نجفیانین ،امردن اورکه یاتان سوزلرینن
نصرتین ،گوزل مناجات اوخویان سس ینن

🌹🌹🌹🌹🌹🌹🌹🌹🌹🌹🌹🌹🌹

طوطی ثانی منبع فضل و کمال،بانجابت
دی
مایه ی فخر سیسان،چوخ باشهامت و لیاقت دی
ایکی مینجی حضور مبارکه مشرف اولان،محمد ثانی جدی دی
آدی ابده جن تاریخلرده،عشقی مولا سینا بی حدی دی

🌹🌹🌹🌹🌹🌹🌹🌹🌹🌹🌹🌹🌹

سیسان سن نن دای دعا مناجات سسی گلمیر
گولر سولوب بلبلرگل اوسته،نی یه اوخومور
هچ بیر گوش اوزونه نی یه ،یووا توخومور
محبت آغاجین کسیبلر ،ظلم آغاجین یرینه اکیبلر

🌹🌹🌹🌹🌹🌹🌹🌹🌹🌹🌹🌹🌹

آنا عشقی ازل دن آنانین اورکینه جانینا یازیلیب دی
عشقی الهی دور اونون وجودوندا حک اولوب قازیلیب دی
آنا دورکی کپنک کیمن اولادین دورینده ،دولانیب یانیب دی
آنالاردان بیزیم اورکیمزده ،بیر شیرین دادلی خاطیره لر قالیبدی

🌹🌹🌹🌹🌹🌹🌹🌹🌹🌹🌹🌹🌹

آنا جان شیرین شیرین دانیشیب دیب گولردین
اورکیمین غمین محبتی سوزلروونان سیلردین
منیم سوزلریمه اوتوروب صبرینن قولاخ آساردین
قوجاغوی آچیب ،منی باغر‌وا باساردین

🌹🌹🌹🌹🌹🌹🌹🌹🌹🌹🌹🌹🌹
طهمورث
پانزدهم ژانویه ۲۰۲۲